“Bakit ano po yon?”
Sa boses pa lang ni Richard, alam na ni Teresita na nababahala na ito sa kung ano ang matutuklasan tungkol kay Marian.
“Natatakot ako baka dahil sa nangyari kahapon ma-depress na naman si Marian.”
“Ma-depress na naman po? Bakit?”
“Five years ago, napagdaanan na ito ni Marian. May nangyari kasi noon sa kanya at sa pinsan niya.”
“Kwento nyo po, makikinig lang ako..”
“Nangyari
ang insidenteng iyon noong fourth year high school pa si Marian, doon
pa siya nakatira sa San Antonio. Nagpaalam siya sa lolo niya na may
pupuntahan sandali kasama ng pinsan niya. Dalawa kasi sila ng pinsan
niyang nakatira noon sa tatay ko habang andito kami ng mga tito at tita
niya, yung mga magulang ng pinsan ni Marian, nagtatrabaho sa Manila.
Palibhasa si Marian ang mas nakakatanda, pag may lakad silang magpinsan
sa kanya pinapaubaya ng lolo niya ang pinsan niyang si Rachel.
May
school program at dahil gabi na makakauwi ayaw sanang payagan ng lolo
nila na umalis silang dalawa pero nagpupumilit sila kaya pinayagan na
rin ng tatay ko. Malalim na ang gabi ng nakauwi ang dalawa, may mga
tambay na nadaanan sila at di nila namalayan sinundan sila ng dalawa sa
mga lalaking nadaanan nila. Pagdating sa isang liblib na lugar bigla na
lang silang hinatak ng mga lalaki.”
“Wait..don’t
tell me..” Nanlaki ang mga mata ni Richard ng marinig ang kwento. Di pa
man ito natapos ni Teresita may hindi magandang naisip na si Richard
kung ano ang susunod na mangyayari na lubos nitong ikinatakot.
“Unfortunately,
si Rachel,ang pinsan ni Marian ..di ito nakatakas..si Marian naman
muntik na, buti na lang at may nakapa siyang bato kaya ito ang ginamit
niya para ipukpok sa lalaki kaya nakatakas siya. Nagawa ni Marian na
makahingi ng tulong sa mga kapitbahay namin. Nang marinig ng lolo nila
ang balita, inatake ito sa puso at dahil sa kaguluhan at abala ang lahat
na mahanap si Rachel, di ito kaagad nadala ng hospital. Si Rachel naman
patay na ng matagpuan. Pinukpok ng isang malaking bato ang ulo saka
ito iniwan ng mga lalaking humarang sa kanila”
Di
kaagad nakapagsalita si Richard matapos ilahad ni Teresita ang buong
pangyayari. Magkahalong galit at awa ang nararamdaman ng lalaki sa
sinapit ni Marian at ng kanyang mga kamag-anak. Si Teresita naman ay di
na nakapag-pigil sa sarili niya tuluyan na din itong humahagulhol habang
naka-upo sa silya na nasa harap ng mesa ni Richard. Agad naman itong
nilapitan ni Richard at inalo. Dahil sa kinwento ni Teresita,
naiintindihan na niya si Marian kung bakit di parin ito makamove-on
kaagad sa nangyari sa resort. Di maiwasan ni Richard na sisihin ang
sarili niya kung nanumbalik sa alaala ni Marian ang nangyari noon sa
kanya.
“Nay,
sorry po. Di ko alam may naging masamang karanasan pala si Marian noon
at ako pa ang magiging dahilan sa pagbalik ng depression niya. Sorry po
talaga, di ko po sinasadya.’ Mahinang sambit ni Richard habang
dahan-dahang hinihimas yung likod ng biyenan niya.
“Alam
ko namang di mo yon kagustuhan ang nangyari kahapon. Isa lang ang
pakiusap ko. Sana di mo hayaang ma-depress muli si Marian. Ilang taon
din ang lumipas bagoa siya bumangon ulit. Alam na alam ko din na dahil
sa pangako niya sa lolo niya noon kaya pumayag siya na makasal kayo,
dahil nangako siya sa lolo mo..iniisip niya parin yung pangako niya sa
lolo niya noon na aalagaan ang pinsan niya. Hanggang ngayon dala pa din
niya sa dibdib ang pangakong di natupad kaya hanggang sa ngayon, ayaw
niyang may pangako na naman siyang di tinutupad kahit kanino man.”
“Aaminin
ko, di ko rin siya maintindihan kung bakit pumayag siyang makasal kami.
Akala ko nga noon yung pera lang ni lolo ang gusto niya. Ngayon na
nalaman ko na ang kwento..naiintindihan ko na siya. I promise that I
will help her and I promise that I will protect her from now on.”
“Thank you Richard..”
Nakatulong
kina Richard at Teresita ang pag-uusap na iyon. Naging panatag ang loob
ni Teresita ngayong alam niyang may isang taong nakakaintindi sa anak
ng pinagdadaanan niya ngayon. Ngayong narinig na ni Richard ang isang
bahagi ng nakaraan ng babaeng pinakasalan, di maiwasang mapukaw ang
interes ng lalaki na kilalanin ang babae. Hinangaan niya ito sa
katatagan ng loob nito na sa kabila ng matinding pinagdaanan walang
bahid ng pangit na nakaraan ang makikita dito. Sa pagiging masiyahin ni
Marian, lubusan nitong itinago sa mga tao ang pangyayaring iyon sa buhay
niya.
Matagal
ding nanatili si Teresita sa mansyon. At sa loob ng mga oras na
nag-usap silang dalawa ni Richard. Maraming nalaman si Richard tungkol
kay Marian. It changed the way Richard look at her. Di niya inakala that
behind that jolly and tough personality lies a loving daughter to her
mother and a sweet and caring granddaughter to her lolo.
Monday
came, di pumayag si Richard na pumasok si Marian at sinabihan niya
itong magpahinga muna, nang magpumilit ito ginawang dahilan ni Richard
ang lolo Roberto niya ang may utos. Nang marinig ni Marian di na ito
nangulit pa. Si Richard naman, dahil may kailangang asikasuhin sa
opisina pumasok ito pero bumalik din kaagad in time for lunch at may
bitbit pang cake for Marian. Pagdating sa mansyon, hinanap kaagad si
Manang Fely para magtanong.
“Bumaba po ba si Marian ngayon, Manang?” nag-aalalang tanong ni Richard sa matandang tagapangasiwa ng bahay nila.
“Di ko napansin..”
“Sige po, paki prepare na lang po ng table para makakain na kami. Ako na po ang susundo sa kanya sa kwarto.’ Tumalikod na si Richard at pinuntahan si Marian sa kwarto. Nadatnan niya itong natutulog.
This
is not good..clearly an indication na bumabalik na ulit ang depression
niya. Nasaisip ni Richard habang tinititigan si Marian na nakahiga sa
kama nila, nakatalikod ito sa kanya kaya di makita ni Richard ang mukha
ng babae.
“Marian.. gising na..Marian” Richard is kneeling beside the bed and gently shaking her shoulder. When she opened her eyes, he smiled at her.
“I’m home..sabayan mo na akong kumain ng lunch..”
“Busog pa ako..” Sagot ni Marian kay Richard, bumangon ito para umupo, umurong pa ito ng konti upang isandal ang likod sa headboard.
“Please?.. I bought something for you.”
“Pero..”
“Please..”
Trying
his best to convince Marian, pagkaraan ng ilang sandaling pangungulit
ni Richard ay pumayag na din ito sa gusto niya. Sabay na silang lumabas
ng kwarto at bumaba. Di parin kumakain ng maayos si Marian pero
nagpapasalamat pa din si Richard na napipilit pa niya itong gawin ang
mga bagay na sinasabi niya dito. Nang inilabas na ni Manang Fely ang
cake, kumuha si Richard ng isang slice at binigay ito kay Marian.
“Here, this is what I told you earlier. I bought it from my favorite bakeshop.Sana magustuhan mo.”
“Thank you.”
Habang
kinakain ni Marian ang cake na binigay ni Richard. Di maiwasang
matitigan ni Richard ang mukha nito, for the first time since nagsama
sila, ngayon lang niya ito nagawa habang kakaharap si Marian. Habang
nakatitig dito, napansin ni Richard na mas magandang tingnan sa
malapitan mga mata ni Marian. Nagustuhan din nito ang katamtamang taas
ng ilong ng babae at lalong-lalo na ang kissable red lips nito.
Luscious lips..
Napatagal
sa pagtitig si Richard sa lips ni Marian, ang bawat pagkilos nito
habang kumakain si Marian, pakiramdam ni Richard mas lalong
nakaka-engganyong titigan na lang ito.
Ano kaya ang pakiramdam kung mahalikan ko ang labi mo..
Dahil sa naisip nito bigla tuloy nakagat ni Richard ang sariling labi kaya napahiyaw ito sa sakit.
“Awww!” Napatingin si Marian kay Richard ng marinig ang sigaw nito. Napakunot ang noo habang tinatanong ito.
“Okay ka lang?”
“Yes..nakagat ko lang ang labi ko sa pag mamadali kong kumain..”
Palusot
ni Richard while covering his mouth habang pinipikit ang mata
niya..ninanamnam ang sakit ng labi dahil sa katangahan niya. Ilang
sandali ang lumipas, nagpaalam na si Marian na babalik na ng kwarto,
pumayag naman si Richard.
Pagkatapos
kumain ay home office niya tumuloy si Richard. Dahil di
maka-concentrate at lagi na lang naaalala ang mukha ni Marian nung
makita niya itong nanginging sa takot, nagpasya na lang siyang hayaan
ang sariling mag-isip ng tungkol kay Marian. Di niya malaman kung bakit,
pero nasa isip niya na kailangan niyang alagaan at alalayan ang babae.
Naninibago si Richard kung bakit nitong nakaraang mga araw puro na lang
si Marian ang laman ng kanyang isip. Kung dahil sa awa o kung ano pa
man, di maintindihan ni Richard. Ang tanging malinaw sa kanya gagawin
niya ang sa tingin niyang tama. To be at her side no matter what
especially at this point of time.
To be at her side…yeah..bakit hindi … afterall, she’s my wife ..
Tuesday
morning naunang bumaba si Richard para kumain. Nang sumunod na sa
pagbaba si Marian makalipas ang tatlumpong minuto, nagulat si Richard to
see her na naka-bihis na, nakangiti pa ito sa kanya na parang walang
pinagdaanan nitong mga nakaraang araw.
“School?” Tanong ni Richard nang makita nitong inilapag ni Marian sa mesa ang kanyang school bag at binder..
“Yep,
di ako pwedeng umabsent kasi may reporting kami bukas and kailangan pa
naming magmeet ng groupmates ko para maayos ang ilang details sa report
namin.”
“Uh okay..are you sure..”
“shhhhh ayoko na pag-usapan yon..”Cutting him off in mid-sentence. Halatang umiiwas na mapag-usapan ang nangyari.
Kung
siya lang ang masusunod, ayaw pa sana niya talaga payagan si Marian na
pumasok pero ng makita niya itong pilit na nagpapakatatag ang babae
upang makalimutan ang nangyari nitong nakaraang araw ay naisip ni
Richard na siguro nga mas kailangan ni Marian na lumabas na ng bahay
upang may makausap naman itong ibang tao at di na ito magmukmok sa
bahay.
“Okay, kung yan ang gusto mo..anong oras pala ang uwi mo mamaya?”
“Not sure..”
Sagot
ni Marian, nagsimula na ito sa pagsubo ng pagkain. Napansin ni Richard
ang kakaibang kinikilos ni Marian. First, bigla na itong naging masigla
and now, bigla naman magana kumain. He doesn’t want to ruin the mood
pero iba ang nasa isip niya, that she is just faking everything pala
lang di na mag-alala ang mga taong nakapaligid sa kanya.
“Hey, if you don’t feel like going to school today ..it’s okay, I can help you with your teacher..”
“Chard..please…”
biglang tumigil sa pagsubo si Marian at nagbuntong-hininga. Tiningnan
siya nito, malungkot ang mga mata. Nang makita ito ni Richard naawa
naman siya kay Marian kaya di na lang siya ulit nagsalita. Ramdam niyang
pinipilit ng babae ang sarili na bumangon ulit.
After nilang kumain ay umalis na sila ng bahay. Hinatid ni Richard si Marian sa school.
“Marian, call me if uuwi ka na. “
“Okay,
thanks sa paghatid.. bye!”Lumabas na ng sasakyan si Marian, siniguro
naman ni Richard na nakapasok na ito bago siya umalis.
Habang
papuntang office, napapaisip si Richard tungkol sa nakakapanibagong
samahan nila ni Marian. Naisip nito di pala mahirap pakisamahan ang
babae. After what happened last Saturday, pakiramdam niya na from that
time on dapat na niyang siguraduhing lagi itong safe lalo na ng malaman
niya ang pinagdaanan nito. Nangako siya sa kanyang biyenan at gusto
niyang tuparin ito.
Pagdating
ni Marian sa lecture room nila napasabak agad sa kwentuhan. Di naman
kasi niya makuhang magsinungaling sa mga kaibigan kasi kinamusta yung
pagpunta niya ng resort . Gusto na niyang iwasan pang magkwento pa ulit
kaya sinabihan niya ang mga ito na ito na una at huling pagkakataon na
magkukwento siya tungkol sa nangyari kasi gusto na niyang kalimutan.
Naiintindihan naman siya ng mga ito kaya matapos siyang magkwento di na
sila nag-attempt magtanong pa.
Ilang
minuto ang lumipas ay dumating na ang professor nila kaya nagsimula na
ang klase, sa kalagitnaan ng klase biglang nagulat ang lahat ng biglang
narinig na ingay galing sa cellphone ni Marian. Dali-dali nitong kinuha
ang cellphone upang tingnan kung sino ang tumatawag.
Richard?! Sheee.. ano ba ang kailangan ng taong to. Pinindot ni Marian ang end button at tinext si Richard.
Don’t call me!
Sa office ni Richard, napataas ang kilay ng lalaki matapos basahin ang pinadalang text ni Marian.
Don’t call me!? Ano to galit ?
He
called her again pero out of reach na ang phone ni Marian. Chineck ni
Richard ang oras sa relos niya at nalaman nitong wala pa palang
tanghali.Naisip niyang baka nasa klase pa kaya hinayaan na lang si
Marian. Naisip niya itong tawagan kanina kasi nag-aalala parin kasi siya
sa ikinikilos ni Marian. At dahil nangako siyang alagaan ito, para sa
kanya parte ng kanyang responsibilidad ang alamin ang lahat ng ginagawa o
kung saan man si Marian upang magampanan ng maayos ang pangakong iyon.
No more, no less..
Lunch
break, palabas na ng klase si Marian kasama ang mga kaklase at kaibigan
nang maalala ang cellphone niya. Kinuha niya ito sa bag niya and turn
it on. Sunod-sunod ang messages na natatanggap at halos lahat galing
kay Richard. Nang makita ang text galing kay Bart, napangiti siya. May
natanggap din siyang text galing sa nanay niya, nangungumusta,
pagkatapos niyang masagot ito ay agad naman niyang binasa ang text na
galing kay Bart. Sasagot na sana siya sa message nito nang biglang may
tumawag.
Mr.Sungit?? Ano ba kailangan nito at kanina pa to tumatawag..
Sinagot ni Marian ang tawag ni Richard.
“Where are you?”
“Agad-agad? Wala man lang hi and hello, tanong agad?”
“Kanina pa ako text ng text sa’yo pero di mo sinasagot..now, where are you?”
“Nasa school pa, bakit ba?”
“Uuwi ka na?”
“Di pa, may gagawin pa ako.”
“Don’t forget to call me when you’re done.”
“Oo nga..”
“Be safe..bye.”
After the call, di maiwasang magtaka ni Marian. Kunot ang noo habang nakatitig sa cellphone niya at napabulong sa sarili.
“Be safe ka diyan..ginawa mo naman akong bata eh..”
“Uyy,
si hubby checking on his wifeyyy” Biro ni Ruby kay Marian, magkasunod
lang silang dalawa na naglalakad palabas ng kanilang classroom.
“Heh!
Wifey ka diyan.dalian nyo gutom na ako..” saway kaagad ni Marian sa
kaibigan, nagkunwari itong galit para lang tantanan na siya nito sa
takot niyang may makarinig pang ibang kaklase nila.
Nagpuntang
canteen sina Marian para kumain ng lunch. Di pa nga siya inabot ng five
minutes sa upuan niya nang tumawag ulit si Richard.
Ang kulittt lang!! Himutok ng damdamin ni Marian habang pinipindot ang cellphone niya upang sagutin ang tawag ng lalaki.
“Bakit na naman?” naiiritang sagot ni Marian sa lalaki.
“Sorry, I forgot to ask you..nag-lunch ka na?”
“Ano
ba..oo, susubo na nga sana eh pero tumatawag ka na naman..Wala ka bang
trabaho diyan at parang ako ang pinagtripan mong guluhin ha?”
“Bakit ka ba nagagalit eh nagtatanong lang naman ako. Just want to be sure kasi baka..”
“Stop it..nagugutom na ako okay…maya na tayo mag-usap pwede? Bye!”
Di
na narinig ni Marian ang huling sinabi ni Richard kasi tinapos niya
agad ang tawag. Pinagtitinginan tuloy siya ng mga kaibigan niya dahil sa
ginawa niya kay Richard.
“What?”
“Grabe ka naman Marian, nagmamalasakit na nga ang tao tinatarayan mo palagi.”
“Shhh, kain na lang tayo ha..madami pa tayong gagawin mamaya tapos gusto kong umuwi ng maaga.”
“Pinapauwi ka ng maaga?’
“Hindi
naman..may kailangan pa kasi akong ireview para sa reporting natin.
Since nung nangyari last Saturday di pa ako nagreview ulit.”
“hmmm,
bakit di na lang tayo sa bahay ninyo magreview at gumawa ng visual ad
for our report. . okay lang naman siguro sa asawa mo yun di ba?”
Napaisip
si Marian sandali, magiging advantage din sa kanya kung sakaling dun
nila gagawin sa bahay kaya tinawagan niya si Richard to ask permission,
fortunately pumayag si Richard at sinabihan siyang si Jonas na muna ang
susundo sa kanya kasi di siya pwedeng umalis ng maaga sa hotel at
maraming kailangang gawin.
Hinintay
nina Marian sandali si Jonas para sunduin sila, pagkalipas ng
kalahating oras ay dumating na din ito, agad ng umalis sina Marian pauwi
ng mansyon.
“Wow! Marian ang laki naman ng bahay ninyo.”
“Kay Richard to, di to sa akin ..bihis na muna ako. Antayin nyo ako dun sa veranda ha.”
Marian
lead them to the veranda tapos tinawag si Manang Fely para dalhan ng
snacks ang mga bisita niya saka na siya pumasok sa room nila at
nagbihis. Paglabas ni Marian, bitbit na nito ang ilang gamit na
kailangan nila para sa gagawing visual ads. Agad din silang nagsimula.
Buti na lang talaga at sa bahay nina Marian sila kasi may katagalan din
ang pag-gawa ng mga materials for their report. Madilim na sa labas ng
matapos nila ito.
“Hay salamat at natapos din!” Daing ni Edward habang tinutupi ang ilang manila paper na nasa harap niya.
“Buti
na lang talaga Marian dito natin to ginawa kundi mahihirapan tayong
iresearch yung ibang detalye kung dun lang tayo sa may tambayan tapos
kulang pa yung reference books natin. Dito at least madaling humanap
online.”
“Oo nga eh..”
“Teka, di pa umuuwi ang asawa mo?”
“Sabi niya kanina busy daw kasi siya, kaya nga si kuya Jonas ang sumundo.”
“Ahh…pero di naman niya kami pinagtataguan noh?”
“I’m sure hindi..oi, dito na kayo maghapunan ha. Sabayan ‘nyo ako.”
“Marian huwag na, nakakahiya..sa bahay na lang kami.”
“Ay huwag kayong ganyan, nagpaluto na ako kina Manang Fely..teka check ko muna kung ready na ha..”
Iniwan ni Marian ang mga kaklase sa veranda para bumaba. Nadatnan niya si Mabel na sinasagot ang telepono.
“Si Richard po ba yan? Paka-usap naman.”
“Ay hindi po..hinahanap po ang amo daw po eh..”
“Ah ganun, sige ako na lang kakausap.." Binigay ni Mabel kay Marian ang ang telepono at umalis din ito agad.
“Hello?”
“Hello. Sino to?”
“Si Marian po to..sinong hinahanap ninyo?”
“Marian..pakisabi sa amo ninyo na may naghahanap sa kanya please..”
“Amo po?”
“Yes, si Richard.. Lim residence to di ba?”
“Yes, po..”
“Okay,
please tawagin mo ang boss mo at gusto ko siya makausap. This is
Cheska.” Di nagustuhan ni Marian ang tono ng pananalita ng kausap sa
telepono. Kung maka-utos ito sa kanya, parang tulong siya ng bruha.
“Hello Cheska, wala pa kasi ang asawa ko.” Sagot ni Marian, pilit na pinapakalma ang boses kahit na inis na inis na siya ditto.
“Excuse me?”
“Wala pa po kasi ang asawa ko..may ipagbibilin po kayo?” pinagdiinan pa talaga ni Marian ang salitang asawa upang malaman ni Cheska kung sino ang kausap nito sa telepono.
“Asawa? You mean, this is Chard’s wife?”
“Opo..any message for Richard?”
“No.
wala naman…mangungumusta sana..sige thank you. Bye.” Nagmamadaling
nagpaalam si Cheska at di man lang nito hinintay na magsalita siya ulit.
Ni hindi na nito narinig ang pagsagot ni Marian ng bye.
Since
naputol na ang kabilang linya, agad ng binalik ni Marian ang receiver
ng telephone sa lalagyan nito at nagtungo na ng kusina. Pagdating doon
ay nakita nito si Manang Fely na hinahanda na ang mga pagkaing ilalabas
sa may mesa.
“Manang paki-prepare na po ng mesa. Di po ba tumawag si Richard?”
“Hindi, pero baka pauwi na din yon..maghihintay ba kayo o mauuna na?”
“Manang uuwi na kasi ang mga kaklase ko kaya siguro mauna na lang kami.”
“Sige, ihahanda na namin ang mesa.”
“Thank you po Manang..”
Bumalik
na si Marian sa veranda at sinabihan ang mga kaklase na hinahanda na
ang mesa. Ilang minuto ang nakaraan ay pinuntahan na sila ni Mabel,
informing them na ready na ang mesa. Agad naman silang bumaba na. Masaya
ang hapunan kasi madaming kasama si Marian. Puno ng kwentuhan at
tawanan sa mesa. Pati sina Manang Fely na nakikinig sa may kusina ay
napapangiti kasi unang beses na may narinig silang halakhakan sa loob ng
bahay mula ng tumira sila doon.
Di
din nagtagal ay dumating na din si Richard, kaya biglang tumahimik ang
lahat dahil sa nahihiya sila ng makita ang lalaki. Kaagad na nagpaalam
na din ang mga kaklase ni Marian, natakot ng makita ang seryosong mukha
ni Richard pagdating nito. Pinahatid ni Marian kay Jonas ang mga
kaibigan para di na mahirapan pang maghanap ng taxi kasi gabi na din.
Nang maka-alis na ito ay bumalik naman siya kaagad sa mesa.
“Thank you daw sabi ng mga kaklase ko kasi pumayag ka at saka sa hapunan din."
“That’s okay, bakit pala umalis sila kaagad. Gusto ko pa sana makipagkwentuhan sa mga kaibigan mo.”
“Malamang dahil sa itsura mo kanina.” Pabirong sagot ni Marian kay Richard.
“Bakit? Ano ba itsura ko?”
Ngumiti
lang si Marian at di na sinagot. Baka kasi magalit pa, di pa naman niya
sinagot ang mga texts at tinarayan pa niya ito kanina.
“Basta…ay siya nga pala..may naghanap kanina..Cheska daw..naghahanap sa’yo pero wala ka kaya binaba niya kaagad.”
“Cheska?
She’s here? Saan daw? Kailan pa?” nakita ni Marian na nanlaki ang
singkit na mata ni Richard habang nagtatanong sa kanya.
Excited? Marian
thought.Natawa si Marian sa ikinikilos ni Richard. Di na naitago pa ni
Richard ang kaba at tuwa ng marinig ang pangalan ni Cheska, pati tuloy
si Marian biglang napukaw ang interes tungkol sa misteryosang babae na
iyon. Napaisip ito kung sino ito sa buhay ni Richard at bakit parang ang
saya ng lalaking nasa harap niya.
No comments:
Post a Comment